KOLOM SUNDA

Ngadu Buku keur Ngaronjatkeun Ajén Ngadu Bako(4)

  • Kamis, 28 Oktober 2021 | 19:08 WIB
foto

Ilustrasi./pixabay.com/ist.

Tina Catetan Lawas Féndy Sy. Citrawarga

HANJAKAL, masarakat di urang pangpangna di pilemburan, kétang di kota gé, boro-boro resep maca keur nambahan élmu pangaweruh, nu teu tamat SD gé loba kénéh.

Ari sababna, sakola jaman kiwari éstuning duit malulu. Sakola haratis, bantuan ti pamaréntah, mémang aya, tapi can nyumponan kabutuh atikan sakumna rahayat leutik.

Keun heula sual rahayat nu teu marampuh sakola nepi ka maranéhna teu boga karep resep maca, sugan ka hareup mah aya parobahan. Atuh nu geus sarakola mah angot lulusan paguron luhur ulah cul kana kawajiban maca téh.

Ceuk nu palinter, buku téh lain wungkul mangrupa agén élmu pangaweruh, tapi ogé agén parobahan. Ngaliwatan buku, masarakat baris diajar pikeun neuleuman kahirupan leuwih arip jeung wijak.

Buku ogé mangrupa wahana pikeun ngasah haté, ku kituna ngawujud jalma nu mibanda ajén, pinter motékar. jeung mibanda moral hadé.

Ari ceuk Ary Ginanjar Agustian mah, "prinsip pembelajaran" (learning principle) téh mangrupa konsép iqra (maca). Tegesna, urang diparéntah maca alam samésta, buku-buku, di sagédéngeun urang boga "bimbingan puncak", Al Quran.

Sabagéan prinsip iqra téh diterapkeun ku bangsa Jepang ngaliwatan Kaizen Principle ku cara ngulik hal-hal nu alus jeung miceun anu goréng. Hasilna, maranéhna jadi raja pasar otomotif dunya.

Agama ogé apanan sidik ngawajibkeun umatna nyiar élmu. Dina hadis kapiwarti, "Téangan élmu tina ayunan nepi ka liang kaluat (maot)".

Éta téh nuduhkeun satungtung hirup mah urang wajib néangan élmu, teu kawates umur. Dina hadis séjén: "Téangan élmu nepi ka nagri Cina!". Nandakeun élmu gé teu kawates ku tempat. Angot jaman globalisasi kawas kiwari, sumber élmu téh sumebar ti sakuliah dunya.

Atuh dina Al Quran Alloh SWT gé ngadawuh yén dua golongan nu baris diundakkeun darajatna ku MantenNa nyaéta jalma iman jeung nu dipaparin élmu. (Hanca) **

Bagikan melalui
Berita Lainnya