Skyscraper
Skyscraper

CAKAKAK

Lagu Céngéng jeung Néng Mikem Bareuh Beuteung (2)

foto

Ilustrasi./pixabay.com.

"JADI, ilaing satuju lagu céngéng dieureunkeun midang dina TV?" ditanya kitu, si Onyon bet ngahuleng ngaraga meneng ceuk ki dalang téa mah.

"Naha bet ngahuleng, Nyon?"

"Asa aya nu poho ieu téh Gin, tuh enya wé ningan poho can mandi paingan awak rareged kieu."

"Lain poho ilaing mah bakat, bujang tarman!"

"Onyon dékah, lain Tarman."

"Enya Onyon Tarman, alias Onyon Tara Mandi," ceuk si Ogin ngaheureuyan sobatna.

"Enya kétang Gin lagu céngéng perelu dieureunkeun dina TV sabab saur Pa Menpen (Menteri Penerangan jaman Orde Baru, red.), kiwari bangsa urang téh keur ngahangkeutkeun pangwangunan dina sagala widang, perelu mibanda sumanget ngawangun kalayan modal sumanget gawé, lain sumanget luwa-lewé kanyenyerian ku awéwé, atawa awéwé nu ceurik elah-elih duméh ditampik cucunguk."

"Lalaki meureun."

"Aéh enya lalaki, Gin."

"Tapi Nyon, mun lagu céngéng dieureunkeun téh karunya wé ka barudak ngora nu keur meumejeuhna resep jatuh cintrong da béjana dipikaresep pisan ku barudak ngora lagu-lagu céngéng téh."

"Enya bener Gin ayana lagu cégéng téh gara-gara cinta nu teu kataékan." (hanca) **

Bagikan melalui
Berita Lainnya
Lalajo Wayang (4)
Ibrohim Dijagragkeun kana Riungan
Lalajo Wayang (1)
Zaid bin Haritsah Milih Rosululloh (3)
Lalajo Wayang (2)